Bosh

Diqqat yangilik!

HURMATLI SAYTIMIZ MEHMONLARI!

Sizning e'tiboringizga o'rganib chiqish uchun “O'zdavtemiryo'lnazorat” inspektsiyasi boshlig'ining “Temir yo'l transporti korxonalari va tashkilotlarining rahbarlari va mas'ul xodimlarini normativ-xuquqiy aktlar va temir yo'l transportida texnik jihatdan tartibga solish sohasining temir yo'l tashishlari xavfsizligini ta'minlashga oid normativ hujjatlari bo'yicha bilimlarini attestatsiyadan o'tkazish tartibi to'g'risidagi Nizomini tasdiqlash xaqidagi” buyrug'i (keyingi o'rinlarda matn bo'yicha – Buyruq deb yuritiladi) loyihasini havola qilmoqdamiz.

Buyruq va unga ilova qilingan Nizom loyihalari inspektsiya tomonidan O'zbekiston Respublikasi Vazirlar Mahkamasining 2017 yil 28 noyabrdagi 948-son “Temir yo'llarda yuk va yo'lovchilar tashish xavfsizligini nazorat qilish davlat inspektsiyasi faoliyatini tashkil etish to'g'risida”gi qarori bilan tasdiqlangan O'zbekiston Respublikasi Temir yo'llarda yuk va yo'lovchilar tashish xavfsizligini nazorat qilish davlat inspektsiyasi to'g'risidagi Nizomga muvofiq tayyorlangan.

Buyruqda Temir yo'l transporti korxonalari va tashkilotlarining lavozimga yangi tayinlanayotgan, shuningdek poezdlar harakat xavfsizligi buzilishlariga yo'l qo'ygan rahbarlari va mas'ul xodimlarining normativ-xuquqiy aktlar va temir yo'l transportida texnik jihatdan tartibga solish sohasining temir yo'l tashishlari xavfsizligini ta'minlash, harakat sostavidan hamda temir yo'l transporti texnik vositalaridan foydalanish, saqlash, xizmat ko'rsatish va ta'mirlashga oid normativ hujjatlari bo'yicha bilimlari attestatsiyasini, shu jumladan davriy attestatsiyasini tashkil etish va o'tkazish tartibini belgilash to'g'risidagi Nizomni tasdiqlash ko'zda tutadi.

Hozirgi vaqtda Buyruq loyihasi ko'rib chiqish uchun (keyinchalik kelishishni amalga oshirishni ta'minlash maqsadida) tegishli vazirlik va idoralar(Bandlik va mehnat munosabatlari vazirligi, Temiryo'lchilar va transport quruvchilari kasaba uyushmasining Markaziy Kengashi, «O'zbekiston temir yo'llari» aktsiyadorlik jamiyati)ga jo'natilgan. Buyruq loyihasi kelishilgach belgilangan tartibda huquqiy ekspertiza va davlat ro'yxatidan o'tkazish uchun Adliya vazirligiga yuborish rejalashtirilgan.

Buyruq loyihasi u rasmiy e'lon qilingan kundan e'tiboran kuchga kirishini belgilash rejalashtirilgan.

Buyruq loyihasi va unga ilova qilingan Nizom loyihasini muhokama qilishda faol ishtirok etishingizni va 20.04.2018 yilga qadar Buyruq va Nizomni takomillashtirish bo'yicha o'z fikr-mulohazalaringizni info@rwnadzor.uz. elektron manzilga jo'natishingizni iltimos qilamiz.

Buyruq va Nizom loyihalari bilan quyida keltirilgan havolaga o'tib tanishishingiz mumkin:
1.Buyruq loyihasi;
2.Nizom loyihasi.

 

 

2

Biz haqimizda

3

Interaktiv hizmatlari

4 Normativ hujjatlar 1 Muloqot ma'lumotlari