Yangiliklar

Temir yo`l kesishmalarida holat qanday?


“Oqrabod-Qumqo`rg`on-Quduqli” yangi temir yo`l liniyasi “Darband temir yo`l masofa” korxonasi hududi hisoblanadi. Yo`nalishda 39 ta temir yo`l kesishmasi mavjud.
Ularning hammasi avtomobil yo`llari bilan tutash. 6 tasi qo`riqlanadigan, 33 tasi qo`riqlanmaydigan temir yo`l kesishmalaridir. 2018 yilning 4 oyida 5 tasi qaytadan qurilib, zamonaviy ko`rinishga keltirildi. Bu kesishmalarda har oyda har xil darajada qoidabuzarliklar sodir etilmoqda. Garchand temir yo`l kesishmalarida poezd sostavi yaqinlashayotganligini bildiruvchi chiroqlar yonib turganiga qaramay, ba`zi haydovchilar avtomobil (texnika)larini to`xtatmay “tezroq o`tib olay” degan maqsadda tezlikni oshirishmoqda. Qo`riqlanadigan temir yo`l kesishmalarida shlagbaumlar tushirilganda ham ayrim haydovchilar poezd sostavi o`tishini kutib turmay avtotransportlarini haydab ketish hollari uchramoqda.
“Darband temir yo`l masofa” korxonasi yo`l harakati qoidalariga rioya qilmaydigan, shoshqaloq haydovchilar tomonidan sodir etilayotgan bunday noxush holatlar yuzasidan viloyat YHXB ga to`liq ma`lumotlar yubormoqda. Shuningdek, temir yo`l yaqinida joylashgan tashkilotlar, mahallalar, o`quv maskanlari va shaxsiy transporti bo`lgan fuqarolar bilan o`tkazilayotgan uchrashuvlarda boshliq o`rinbosarlari X.Murtazoyev, Ch.Irmuminov, I.Shermatov, C.Umbarov, X.Mustafoqulov, H.Ersariyevlar temir yo`l kesishmalari va temir yo`ldan o`tish qoidalariga amal qilmaslik salbiy oqibatlarga olib kelishi haqida tushuntirish olib borishyapti.
Oxirgi vaqtlarda “Oqrabod-Qumqo`rg`on-Quduqli” temir yo`l oralig`ida va bekatlarga yaqin joylarda yashaydigan aholi tomonidan temir yo`l atrofida chorva mollarini boqish va qarovsiz qoldirish yoki yosh bolalarga ishonib tashlab ketish holatlari bot-bot uchrab turibdi. Chorva mollari temir yo`lga chiqib poezdlar harakatini qiyinlashtirmoqda. Boz ustiga ushbu joylarda ayrim yosh bolalar relslar ustiga har xil buyumlar (tosh, temir parchalari va hokazo)lar qo`yib ketishyapti va yo`l belgilarini og`natib, o`g`irlashmoqda.
Aziz vatandoshlar! Po`lat izlar atrofida harakat qilib, kesib o`tish vaqtida ehtiyot bo`lmasangiz, to`xtab turgan poezdlar tagidan o`tsangiz o`zingizni nimalar kutayotganini o`ylab ko`ring. Hushyorlik hamisha zarur…

O.Qurbonnazarov,
Qashqadaryo filiali boshlig`i

F.Xayriddinov
Axborot xizmati boshlig`i
19 Èþíü 2018
 

Yuqori tezlikdagi hudud xavfsizligini ta`minlash yo`lida…


Kunlar isishi bilan o`lkamizning turistik salohiyati oshadi. Toshkent shahri orqali sayohatlarning asosiy qismi “Afrosiyob” tezyurar elektropoezdi bilan Samarqand, Buxoro va Qarshi shaharlariga kelishyapdi. “Afrosiyob” 250 kilometr soat tezlikda harakatlanmoqda.
Shubhasiz, temir yo`llarda xavfsizlikni yanada kuchaytirish hayot talabiga aylandi. “O`zdavtemiryo`lnazorat”davlat inspeksiyasi, “O`zbekiston temir yo`llari” AJ, mintaqaviy temiryo`l uzeli, viloyat va shahar IIB vakillari, “O`zdavavtoyo`l” DAK bilan hamkorlikda havfsizlik choralari kuchaytirilgan. Ya`ni temiryo`l kesishmasiga doimiy faoliyat yurituvchi idoralararo komissiya faoliyati yo`lga qo`yilgan. Yilda ikki marta bahorgi va kuzgi ko`rik kunlarini o`tkazilmoqda.
Yakuniga yetayotgan bahorgi ko`rik davomida qoidabuzarlik sodir etgan shaxslar javobgarlikka tortildi. Bunday xato va kamchiliklar oddiy e`tiborsizlik, loqaydlik natijasida yuzaga kelayotgani achinarli hol.
Shu yilning may oyida Bulung`ur-Jomboy temir yo`l kesishmalarida qoidabuzarlik aniqlandi. Vaholanki, yangi avtomatik qurilmalar o`rnatilgan. Bu qurilmalar temir yo`l kesishmasida avtomobil yo`lini avtomatik ravishda to`sib qo`yadi. Poezdning xavfsiz harakatlanishini ta`minlaydi. To`qnashuvlarni oldini oladi.
“O`zdavtemiryo`lnazorat” davlat inspeksiyasi mutasaddilari korxona va tashkilotlar hamda temir yo`l yaqinida yashovchi aholi bilan doimiy tushuntirish tadbirlarini olib borildi. Maktab, mahalla, haydovchilar tayyorlash o`quv maskanlarida suhbat uyushtirildi.
Agar temir yo`l kesishmalaridan o`tishda hushyorlikni oshirsak, o`zimizni ham, o`zgalarni ham asragan bo`lardik.


Salim Mamalatipov, “O`zdavtemiryo`lnazorat” inspeksiyasi
inspektori
Firdavs Xayriddinov
“O`zdavtemiryo`lnazorat” inspeksiyasi
Axborot xizmati boshlig`i
18 Èþíü 2018
 

Ramazon hayiti muborak bo‘lsin!



Aziz hamyurtlar, muborak Ramazon oyi oxirlab, yurtimizga Ramazon hayiti – Iyd al Fitr bayrami kirib kelmoqda.
Milliy qadriyat va an’analarimizning ajralmas bir qismi bo‘lgan, muqaddas islom dinining insonparvarlik mohiyatini yaqqol ifoda etuvchi Ramazon hayiti jamiyatimizda o‘zaro hurmat, mehr-oqibat, ezgulik, xayr-saxovat va shukronalik tuyg‘ularini kuchaytirishi bilan ham ahamiyatlidir. Muqaddas Ramazon oyi yuksak insoniy fazilatlar bor bo‘y-basti bilan namoyon bo‘ladigan muborak oydir. Bu oyda inson ham ma’nan, ham jismonan poklikka erishadi, ruhan yuksaladi.
Mazkur muborak oy yakuni va Ramazon hayiti bilan O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi barcha hamyurtlarimizni muborakbod etadi.
Xalqimizning har bir xonadonidan fayzu-barokatlar arimasin, ezgu niyatlar o‘z ijobatini topsin. Barchaga sog‘lik, baxt, oilaviy tinchlik mudom hamroh bo‘lsin.
Yurtimizni tinch, osmonimizni musaffo, dasturxonlarimiz har doim to‘kin bo‘lsin!

“O‘zdavtemiryo‘lnazorat” inspeksiyasi

14 Èþíü 2018
 

Targ‘ibot tadbirlari davom ettirilmoqda


O‘zbekiston Respublikasi Vazirlar Mahkamasining 2018 - yil 9 - apreldagi 278-sonli “Mahalliy va xalqaro yo‘nalishlar bo‘yicha temir yo‘l transportida yo‘lovchilarni hamda yuklarni tashish faoliyatini litsenziyalash tartibini takomillashtirish chora-tadbirlari to‘g‘risida”gi qarori mazmun mohiyatini tadbirkorlik sub’ektlari va keng jamoatchilikka yetkazish tadbirlari davom ettirildi. Navbatda uchrashuv 2018 yil 13 iyun kuni Guliston stansiyasida “O‘zdavtemiryo‘lnazorat” inspeksiyasi markaziy apparati va Toshkent filiali xodimlari hamda shaxobcha temir yo‘llariga ega bo‘lgan tadbirkorlik sub’ektlari ishtirokida tashkil etildi.
Dastlab yig‘ilganlarga Qaror mazmun-mohiyati, litsenziya olish tartibi va ushbu sohadagi yangiliklar bo‘yicha batafsil tushuntirish berildi. Bunudan tashqari tadbirkorlik sub’ektlari manfaatlari, litsenziyalash tartibini tartibini soddalashtirish, litsenziya berish muddatlarini qisqartirishni nazarda tutuvchi O‘zbekiston Respublikasi Prezidentining PF-5409 sonli “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari to‘g‘risida” gi Farmonida ko‘zda tutilgan imtiyozlar, litsenziya olish muddatlaridagi yangiliklar haqida so‘z yuritildi.
“2017-2018 yillarga mo‘ljallangan korrupsiyaga qarshi kurashish bo‘yicha Davlat dasturi” ijrosini inspeksiya doirasida ta’minlashga qaratilgan ishlar borasida ham axborot berildi.
Shuningdek, majlisda «Temir yo‘l transporti to‘g‘risida»gi O‘zbekiston Respublikasi Qonuni, O‘zbekiston Respublikasi Prezidentining PQ-3221 sonli “O‘zbekiston Respublikasi temir yo‘llarda yuk va yo‘lovchilar tashish xavfsizligini nazorat qilish Davlat inspeksiyasi faoliyatini yanada takomillashtirish chora-tadbirlari to‘g‘risida”gi Qarori, O‘zbekiston Respublikasi Vazirlar Mahkamasining 948-sonli “O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi faoliyatini tashkil etish to‘g‘risida”gi hamda O‘zbekiston Respublikasi Vazirlar Mahkamasining 211-sonli “Xalqaro sifat standartlari va foydalanish xavfsizligiga javob beradigan temir yo‘l mahsulotini ishlab chiqarishni ta’minlash chora-tadbirlari to‘g‘risida”gi qarorlari to‘g‘risida to‘xtalib o‘tildi.
Tadbir ishtirokchilari harakat xavfsizligini ta’minlash borasidagi o‘zlarini qiziqtirgan ko‘plab savollariga mutaxassislardan aniq va batafsil javob olishdi.

Firdavs Xayriddinov
Àxborot xizmati boshlig`i
14 Èþíü 2018
 

Litsenziya kimlarga beriladi?


Temir yo‘llarda yuk va yo‘lovchi tashish faoliyatini litsenzilash tartibi takomillashtirilib, zamonaviy talablarga muvofiqlashtirildi. Bu borada O‘zbekiston Respublikasi Vazirlar Mahkamasining 2018 - yil 9 - apreldagi 278-sonli “Mahalliy va xalqaro yo‘nalishlar bo‘yicha temir yo‘l transportida yo‘lovchilarni hamda yuklarni tashish faoliyatini litsenziyalash tartibini takomillashtirish chora-tadbirlari to‘g‘risida”gi qarori muhim asos bo‘lganligini ta’kidlab o‘tish lozim. Mazkur qaror mazmun-mohiyatini tadbirkorlik sub’ektlariga batafsil tushuntirish bo‘yicha “O‘zdavtemiryo‘lnazorat” inspeksiyasi tomonidan aniq rejaga asosan targ‘ibot-tashviqot ishlari davom ettirilmoqda. Navbatdagi tadbirda Toshkent viloyati va poytaxt vakillari ishtirok etishdi. Yig‘ilganlar litsenziya olishdagi talablar, litsenziya olish tartibi, muddati, mavjud litsenziyalarni uzaytirish tartibi borasidagi qimmatli ma’lumotlarga ega bo‘lishdi.
2018 - yil 8 - iyun kuni inspeksiya markaziy apparati va Toshkent filiali xodimlari hamda shaxobcha temir yo‘llariga ega bo‘lgan tadbirkorlik sub’ektlari ishtirokidagi mazkur tadbirda boshqa hukumat qarorlari, harakatlar strategiyasiga asosan “Yo‘l xaritalari”, “2017-2018 yillarga mo‘ljallangan korrupsiyaga qarshi kurashish bo‘yicha Davlat dasturi” ijrosini ta’minlash bo‘yicha ham so‘z yuritildi. Jumladan, O‘zbekiston Respublikasi Prezidentining PF-5409 sonli “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari to‘g‘risida” gi Farmonidagi tadbirkorlar manfaatlari yo‘lida ko‘zda tutilgan imtiyozlar, litsenziya olish muddatlaridagi yangiliklar borasida axborot berildi. Farmonga binoan litsenziya berish muddatlari qisqarganligi va tadbirkorlar manfaatlari yo`lidagi boshqa yangiliklar bilan tanishtirib o`tildi.
Shuningdek, O‘zbekiston Respublikasi Prezidentining PQ-3221 sonli “O‘zbekiston Respublikasi temir yo‘llarda yuk va yo‘lovchilar tashish xavfsizligini nazorat qilish Davlat inspeksiyasi faoliyatini yanada takomillashtirish chora-tadbirlari to‘g‘risida”gi Qarori, O‘zbekiston Respublikasi Vazirlar Mahkamasining 948-sonli “O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi faoliyatini tashkil etish to‘g‘risida”gi hamda O‘zbekiston Respublikasi Vazirlar Mahkamasining 211-sonli “Xalqaro sifat standartlari va foydalanish xavfsizligiga javob beradigan temir yo‘l mahsulotini ishlab chiqarishni ta’minlash chora-tadbirlari to‘g‘risida”gi qarorlari to‘g‘risida batafsil to‘xtalib o‘tildi.
Tadbirkorlar harakat xavfsizligini ta’minlash maqsadida nimalarga qat’iy rioya qilishlari lozimligi borasida ham bilim va malakalarini oshrib olishdi.

Firdavs Xayriddinov
Àxborot xizmati boshlig`i
09 Èþíü 2018
 

Jizzaxdagi tadbir: Qaror mohiyati tushuntirildi


2018 - yil 5 - iyun kuni Jizzax stansiyasida “O‘zdavtemiryo‘lnazorat” inspeksiyasi markaziy apparati va Toshkent filiali xodimlari, shuningdek shaxobcha temir yo‘llariga ega bo‘lgan tadbirkorlik sub’ektlari ishtirokida tadbir tashkil etildi. Unda O‘zbekiston Respublikasi Vazirlar Mahkamasining 2018 - yil 9 - apreldagi 278-sonli “Mahalliy va xalqaro yo‘nalishlar bo‘yicha temir yo‘l transportida yo‘lovchilarni hamda yuklarni tashish faoliyatini litsenziyalash tartibini takomillashtirish chora-tadbirlari to‘g‘risida”gi qarori mazmun mohiyati yig‘ilganlarga batafsil tushuntirib o‘tildi.
Mazkur qaror ijrosini sifatli ta’minlash maqsadida joylarda targ‘ibot-tashviqot ishlari muntazam olib borilmoqda. Qarorga muvofiq Mahalliy va xalqaro yo‘nalishlar bo‘yicha temir yo‘l transportida yo‘lovchilarni hamda yuklarni tashish faoliyatini litsenziyalash «O‘zdavtemiryo‘lnazorat» inspeksiyasi tomonidan amalga oshirilishi belgilangan. Jizzax stansiyasidagi tadbirda ham inspeksiya xodimlari tomonidan mazkur qarorda nazarda tutilgan maqsad va vazifalar batafsil ochib berildi. Tadbirda tadbirkorlar litsenziya olishdagi talablar, litsenziya olish tartibi, muddati, mavjud litsenziyalarni uzaytirish tartibi borasidagi ma’lumotlarga ega bo‘lishdi.
Tadbir davomida O‘zbekiston Respublikasi Prezidentining PF-5409 - sonli “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari to‘g‘risida” gi Farmonida tadbirkorlar manfaatlari yo‘lida ko‘zda tutilgan imtiyozlar, litsenziya olish muddatlaridagi yangiliklar haqida so‘z yuritildi.
Shuningdek, ishtirokchilarga «Temir yo‘l transporti to‘g‘risida»gi O‘zbekiston Respublikasi Qonuni, O‘zbekiston Respublikasi Prezidentining PQ-3221- sonli “O‘zbekiston Respublikasi temir yo‘llarda yuk va yo‘lovchilar tashish xavfsizligini nazorat qilish Davlat inspeksiyasi faoliyatini yanada takomillashtirish chora-tadbirlari to‘g‘risida”gi Qarori, O‘zbekiston Respublikasi Vazirlar Mahkamasining 948-sonli “O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi faoliyatini tashkil etish to‘g‘risida”gi hamda O‘zbekiston Respublikasi Vazirlar Mahkamasining 211-sonli “Xalqaro sifat standartlari va foydalanish xavfsizligiga javob beradigan temir yo‘l mahsulotini ishlab chiqarishni ta’minlash chora-tadbirlari to‘g‘risida”gi qarorlari to‘g‘risida batafsil ma’lumot berildi.
Qarorlardagi har bir band tadbirkorlarga AKT imkoniyatlaridan foydalangan holda, taqdimot shaklida tushuntirildi. Yig‘ilganlar litsenziyalash tartibi bilan birgalikda temir yo‘llarda harakat xavfsizligini ta’minlash maqsadida nimalarga qat’iy rioya qilishlari lozimligi borasida ham bilim va malakalarini oshrib olishdi.

Axborot xizmati boshlig`i
Firdavs Xayriddinov
06 Èþíü 2018
 

Soha xodimlariga huquqiy axborot berildi


2018 - yil 18 - mayda O'zbekiston Respublikasi Temir yo'llarda yuk va yo'lovchilar tashish xavfsizligini nazorat qilish davlat inspeksiyasi Qashqadaryo filialida shaxobcha temir yo'li javobgar xodimlari o'rtasida yig'ilish bo'lib o'tdi. Yig'ilishda bir qator masalalar ko'rib chiqildi.
Filial boshlig'i Olim Qurbanazarov temir yo'l transportida yo'lovchilarni hamda yuklarni tashish faoliyatini amalga oshirishda qonun hujjatlariga, shuningdek, yuklarni tashish qoidalari, temir yo'l transportida yo'lovchilar tashish qoidalariga hamda temir yo'lda tashishlar xavfsizligini ta'minlash sohasida amalga oshrilayotgan ishlar to`g`risida so`z yuritdi. Temir yo'l transportining harakatlanuvchi tarkibi, ob'ektlari va texnik vositalarini saqlash, ta'mirlash, ularga xizmat ko'rsatish va ulardan foydalanish sohasidagi boshqa normativ hujjatlarga majburiy rioya qilinishi muhimligi to'g'risida alohida to'xtalib o'tildi.
O'zbekiston Respublikasi Vazirlar Mahkamasining 2017- yil 28 - noyabrdagi 948-sonli «O'zbekiston Respublikasi temir yo'llarda yuk va yo'lovchilar tashish xavfsizligini nazorat qilish davlat inspektsiyasi faoliyatini yanada takomillashtirish chora-tadbirlari to'g'risida»gi qarori to'g'risida atroflicha malumot berildi. Fuqarolar va tadbirkorlik sub'ektlarining huquqlari hamda qonuniy manfaatlariga rioya etilishi va himoya qilinishini taminlash zarurligi ta`kidlab o'tildi.
O'zbekiston Respublikasi Vazirlar Mahkamasining 2018 yil 09 apreldagi ¹-278 sonli «Mahalliy va xalqaro yo'nalishlar bo'yicha temir yo'l transportida yo'lovchilarni hamda yuklarni tashish faoliyatini litsenziyalash tartibini takomillashtirish chora-tadbirlari to'g'risida»gi qarori ijrosini ta'minlash bo'yicha litsenziya olish uchun zarur bo'lgan hujjatlar to'g'risida batafsil to'xtalib, alohida tushuntirishlar berildi.
Mamlakatimizda kichik biznes va xususiy tadbirkorlikning jadal rivojlanishini ta'minlash, ishbilarmonlik muhitini yanada yaxshilash dolzarb vazifalardan ekanligi aytib o'tildi. Yig'ilishda “Muborak gazni qayta ishlash zavodi” vakili U.Ravshanov, “Dunyo-M” AJ xodimi S.Xo'jamov, “Qarshi yog` ekstraktsiya” AJ vakili A.Samadov temir yo'l transporti sohasida harakat havfsizligini ta'minlash masalalari bo'yicha kadrlarni qayta tayyorlash va ularning malakasini oshirish borasida qator savollar bilan murojaat qilishdi. Barcha savollarga aniq javob qaytarildi.

F.Xayriddinov
Axborot xizmati boshlig`i

O.Kurbanazarov
Inspeksiyaning Qashqadaryo filiali boshlig'i
18 Ìàé 2018
 

Asosiy vazifa: Harakat xavfsizligini ta'minlash!


Temir yo'l transportida yo'lovchilarni hamda yuklarni tashish faoliyatini amalga oshirishda qonun hujjatlariga, shuningdek, yuklarni tashish qoidalari, temir yo'l transportida yo'lovchilar, bagaj va yuk bagajlarni tashish qoidalariga hamda temir yo'lda tashishlar xavfsizligini ta'minlash sohasida texnik tartibga solish, temir yo'l transportining harakatlanuvchi tarkibi, ob'ektlari va texnik vositalarini saqlash, ta'mirlash, ularga xizmat ko'rsatish va ulardan foydalanish sohasidagi normativ hujjatlarga rioya qilinishi shart.
Yuqori tezlikda harakatlanuvchi temir yo'l uchastkasida poyezdlar harakati xavfsizligini ta'minlanishini nazorat qilish bo'yicha “O'zdavtemiryo'lnazorat” inspeksiyasi Qashqadaryo filialida qator ishlar amalga oshirilmoqda. Yuqori tezlikda harakatlanuvchi temir yo'l uchastkasida infratuzilmaning texnik holatini yo'l va kontakt tarmog'i o'lchagich vagon-laboratoriyalari bilan kuzatuv olib borilib, aniqlanayotgan kamchiliklarni o'z vaqtida tezkor bartaraf etilishi, qayta takrorlanayotgan kamchiliklarni oldi olinishi, temir yo'l kesishmalari qurilmaning texnik holati, me'yoriy hujjatlarni to'g'ri yuritilishi hamda qoidabuzar haydovchilarga nisbatan “bildirgi” qog'ozlarining to'ldirilishi nazoratga olingan. Shuningdek, poezdlarni vagon xo'jaligi kuzatuvchilari tomonidan o'z vaqtida kuzatilishi, yo'l xo'jaligi, kontakt tarmoqlari, yuqori kuchlanishli nimstantsiyalari, signalizatsiya va aloqa qurilmalariga texnik xizmat ko'rsatilishi, poezdlar harakati xavfsizligini ta'minlash yuzasidan olib boriladigan me'yoriy hujjatlarni yuritilishi, temir yo'l uchastkasida joylashgan suv qochirish inshootlarini, temir yo'l va avtomobil o'tish ko'priklarining texnik holatini o'rganish, ko'rikdan o'tkazish, belgilangan me'yoriy hujjat va chora-tadbirlarni bajarilishi, infratuzilmasi holatini o'rganish, aniqlangan muammolarni tahlil qilish, ijrochilar tomonidan chora-tadbir ishlab chiqishni ta'minlash, belgilangan tadbirlarning bajarilishiga qat`iy rioya qilinishi muntazam diqqat-e`tiborda.
“O'zbekiston temir yo'llari” AJ Qarshi MTU, “O'zavtoyo'l” AK Qashqadaryo viloyat filiali, Qashqadaryo viloyati IIV YXXB xodimlari, hokimiyat vakillari bilan hamkorlikda yuqori tezlikda harakatlanuvchi temir yo'l uchastkasida joylashgan temir yo'l kesishmalarida bahorgi komissiya ko'rigi o'tkazildi va aniqlangan kamchiliklarni zudlik bilan bartaraf etish choralari ko`rilgan.

F.Xayriddinov
Axborot xizmati boshlig`i

O.Kurbanazarov
Inspeksiyaning Qashqadaryo filiali boshlig'i
14 Ìàé 2018
 

Qaror loyihasi bo`yicha yana bir yig`ilish…


2018 - yil 10 - mayda “O‘zdavtemiryo‘lnazorat” inspeksiyasining majlislar zalida “Ajratilgan mintaqa va sanitariya-himoya (muhofaza) zonalarida uy-joy va mulk ob’ektlarini qurishni taqiqlovchi” Vazirlar Mahkamasi Qarori loyihasi ishchi-guruhining navbatdagi kengaytirilgan yig‘ilishi bo‘lib o‘tdi. Yig‘ilishni ishchi-guruh raisi inspeksiya boshlig‘i D.B.Axmedov olib bordi.
Oldin xabar qilinganidek, O‘zbekiston Respublikasi Prezidenti huzurida 2017 - yil 13 - dekabrda o‘tkazilgan “Yer resurslari, geodeziya, kartografiya va davlat kadastri davlat qo‘mitasi va uning tuzilmalari faoliyatini takomillashtirish ishlari natijadorligi, mavjud muammo va kamchiliklarni bartaraf etish chora-tadbirlari to‘g‘risida”gi yig‘ilishda berilgan topshiriqqa muvofiq O‘zbekiston Respublikasi Vazirlar Mahkamasida “Yo‘l xaritasi” ishlab chiqilgan. Bosh vazirning birinchi o‘rinbosari A.J.Ramatov tomonidan muhofaza zonalarida va “qizil chiziqlar”ga tutash hududlarda ob’ektlarni joylashtirish mezonlari zamonaviy talablar asosida qayta ko‘rib chiqish bo‘yicha tasdiqlangan “Yo‘l xaritasi”ning 6-bandida “O‘zdavtemiryo‘lnazorat” inspeksiyasiga “O‘zbekiston temir yo‘llari” aksiyadorlik jamiyati hamda manfaatdor vazirlik va idoralar bilan birgalikda “Ajratilgan mintaqa va sanitariya-himoya (muhofaza) zonalarida uy-joy va mulk ob’ektlarini qurishni taqiqlovchi” Vazirlar Mahkamasi Qarori loyihasini ishlab chiqish topshirilgan.
Qaror loyihasini puxta tayyorlash maqsadida “O‘zdavtemiryo‘lnazorat” inspeksiyasi boshlig‘i boshchiligida manafaatdor vazirlik va idoralar xodimlaridan iborat ishchi-guruh tuzilib, hamkorlikda ko‘zlangan maqsad sari reja asosida ishlar amalga oshrilmoqda. Ishchi-guruhning dastlabki yig‘ilishida loyihaning ahamiyati va dolzarbligi to‘g‘risida batafsil to‘xtalib, vazirlik va idoralar xodimlari o‘z fikr mulohazalari bilan o‘rtoqlashishgandi. Yakunda har bir vazirlik va idora vakili loyihaning dastlabki variantiga o‘z taklif va e’tirozlarini asoslantirgan holda, yozma ravishda bildirishi ta’kidlab o‘tildi.
Navbatdagi majlis bildirilgan fikr va mulohazalarning muhokamasi, e’tirozlarning qanday qonun hujjatiga asoslantirilgani to‘g‘risida kechdi. Har bir yig‘ilish ishtirokchisi o‘z taklifini muhokamada himoya qilib, asoslab berishga urindi. Bahs-munozaralar ostida kechgan yig‘ilishda Qonun loyihasi yanada puxta holatga keltirilib, takomillashdi.
Barcha takliflar va eng so‘nggi qo‘shimchalar 18 - mayga qadar ishchi guruhga taqdim etilishi va barcha takliflar umumlashtirilib, Qaror loyihasi muhokamaga qo‘yilishi kelishib olindi.

Firdavs Xayriddinov
“O‘zdavtemiryo‘lnazorat” inspeksiyasi
Axborot xizmati boshlig‘i
10 Ìàé 2018
 

Muhofaza zonalaridagi obyektlar tartibga solinadi!


O'zbekiston Respublikasi Prezidenti huzurida 2017 yil 13 dekabrda o'tkazilgan “Yer resurslari, geodeziya, kartografiya va davlat kadastri davlat qo'mitasi va uning tuzilmalari faoliyatini takomillashtirish ishlari natijadorligi, mavjud muammo va kamchiliklarni bartaraf etish chora-tadbirlari to'g`risida”gi yig`ilishda berilgan topshiriqqa muvofiq O'zbekiston Respublikasi Vazirlar Mahkamasida “Yo'l xaritasi” ishlab chiqildi. Bosh vazirning birinchi o'rinbosari A.J.Ramatov tomonidan muhofaza zonalarida va “qizil chiziqlar”ga tutash hududlarda obyektlarni joylashtirish mezonlari zamonaviy talablar asosida qayta ko'rib chiqish bo'yicha tasdiqlangan “Yo'l xaritasi” 6-bandida “O'zdavtemiryo'lnazorat” inspeksiyasiga “O'zbekiston temir yo'llari” aksiyadorlik jamiyati hamda manfaatdor vazirlik va idoralar bilan birgalikda “Ajratilgan mintaqa va sanitariya-himoya (muhofaza) zonalarida uy-joy va mulk obyektlarini qurishni ta`qiqlovchi” Vazirlar Mahkamasi qarori loyihasini ishlab chiqish topshirilgan. Mazkur topshiriqni o'z vaqtida va samarali bajarish maqsadida “O'zdavtemiryo'lnazorat” inspeksiyasi boshlig`i boshchiligida ishchi-guruh hamda jadval-rejasi tuzilgan. Unga muvofiq inspeksiya xodimlari hamkor vazirlik va idoralar bilan birgalikda qilinadigan ishlar ko'lami aniq muddatlari bilan taqsimlangan.
Ayni paytda ishchi-guruh o'ziga yuklangan vazifalarni belgilagan tartibda bajarishga kirishgan va muntazam axborot almashinuvi hamda qat'iy nazorat olib borilmoqda. Loyihadan hayotga tadbiq etishdan ko'zlangan asosiy maqsad temir yo'l transporti muhofaza zonalari va ajratilgan mintaqa chegaralaridagi temir yo'l transporti yerlarining o'lchamini, ulardan foydalanish tartibotini o'rnatishning, shuningdek, temir yo'llarning sanitariya-himoya (muhofaza) zonalarida va ajratilgan mintaqalarda turar joy binolari hamda mulkiy obyektlarni qurishga ta'qiqlar o'rnatishni ko'zda tutuvchi yagona tartibni belgilash.
2018 yil 25 aprelda inspeksiyaning majlislar zalida ishchi-guruhning dastlabki kengaytirilgan yig`ilishi bo'lib o'tdi. Yig`ilishni ishchi guruh raisi - “O'zdavtemiryo'lnazorat” inspeksiyasi boshlig`i Doniyor Axmedov olib bordi.
Tadbirda ishchi-guruh zimmasidagi vazifalar, loyihaning ahamiyati va dolzarbligi to'g`risida batafsil to'xtalib o'tildi. Vazirlik va idoralar xodimlari o'z fikr mulohazalari bilan o'rtoqlashib, galdagi vazifalarni belgilab olishdi. Unga muvofiq har bir vazirlik va idora vakili loyihaning dastlabki variantiga o'z taklif va e'tirozlarini asoslantirgan holda, yozma ravishda bildirishi ta'kidlab o'tildi. Navbatdagi yig`ilishga qadar takliflar umumlashtirilib, qaror loyihasi muhokamaga qo'yilishi kelishib olindi.

Axborot xizmati boshlig`i
Xayriddinov F.N.
26 Àïðåëü 2018
 

Temir yo‘l kesishmasida qoidalarga amal qiling!


Mamlakatning qon tomirlari deya e’tirof etiluvchi temir yo‘llar nafaqat aholining uzog‘ini yaqin qiladi, balki yurt obodligi hamda taraqqiy etishiga ham xizmat kiladi. Chunki bu yo‘llar orqali ming - ming tonnalab sanoat, qurilish, qishloq xo‘jaligi mahsulotlari buyurtmachi hamda iste’molchilarga yetkazilmoqda.
Ayni paytda Termiz temir yul masofa korxonasi tasarrufiga qarashli jami 42 ta temir yo`l kesishmasi mavjud. Ularning hammasi Termiz — Qumqo`rg‘on, Termiz — Boldir yo`nalishlarida joylashgan. Katta avtomobil yo‘llar bilan tutashgan temir yo‘l kesishmalarining 7 tasi doimiy qo‘riqlanadi, qolgan 35 tasi esa qo‘riqlanmaydigan temir yo‘l kesishmalariga kiradi.
Shu yilning 20 mart sanasidan boshlab qo‘shimcha 3-4 sonli Termiz — Toshkent va 397-398 sonli Termiz — Andijon, 353-354 sonli Termiz — Qo‘ng‘irot yo‘lovchi poyezdlar qatnovi yo‘lga qo‘yildi. Shu bois, Termiz temir yo‘l masofa korxonasi mutaxassislari temir yo‘l yaqinida joylashgan tashkilotlar, mahallalar, o‘quv maskanlarida ishchi-xizmatchilar, o‘quvchilarni yig‘ib, uchrashuvlar tashkil etishib, temir yo‘l kesishmalaridan o‘tish qoidalari, ularga amal qilmaslikning salbiy oqibatlari xususida tushuntirish ishlarini olib borishmoqda. Joriy yilning o‘tgan davri mobaynida 27 marotaba shunday uchrashuvlar tashkil etilib, ularda 2263 nafar fuqaroning ishtiroki ta’minlandi. Natijada, o‘tgan yilning shu davriga nisbatan kesishmalardagi qoidabuzarliklar ancha kamaydi.
Mavridi kelganda shuni ham aytib o‘tish kerakki, so‘nggi vaqtda Termiz — Qumqo‘rg‘on, Termiz — Boldir yo‘nalishida temir yo‘l yaqinida yashaydigan aholi tomonidan temir yo‘l atroflarida chorva mollarini boqish va qarovsiz qoldirish yoki yosh bolalarga ishonib tashlab ketish holatlari bot-bot uchrab turibdi. Buning oqibatida chorva mollari temir yo‘lga chiqib, poyezdlar harakatini murakkablashtirmoqda. Boz ustiga ushbu joylarda ayrim yosh bolalar tomonidan relslar ustiga har xil narsalarni qo‘yib ketish hollari ham uchrayapti.
Eng achinarlisi, temir yo‘lga yaqin joyda istiqomat qilayotgan aholi temir yo‘llar atrofiga chiqindi to‘kib, atrof-muhitga ziyon yetkazishmoqda. Temir yo‘l xammamizniki. Har birimiz temir yo‘l xizmatidan foydalanamiz. Bas, shunday ekan, temir yo‘llar atrofini toza-ozoda saqlanishiga va harakat xavfsizligini ta’minlashga barchamiz o‘z hissamizni qo‘shmog‘imiz shart.


«O‘zdavtemiryo`lnazorat» inspeksiyasi
Axborot xizmati boshlig`i
F.Xayriddinov,
«O‘zdavtemiryo`lnazorat» inspeksiyasi
Qashqadaryo filiali boshlig‘i
O. Qurbonnazarov
02 Àïðåëü 2018
 

Xususiy tadbirkorlikni qo'llab-quvvatlash burchimizdir


“Xalq davlat idoralariga emas, davlat idoralari halqimizga xizmat qilishi kerak” degan ezgu g'oyaning, eng avvalo, xalq bilan to'g'ridan-to'g'ri muloqot o'rnatish hamda fuqarolar huquqlari, erkinliklari va qonuniy manfaatlarining real himoya qilinishini ta'minlash orqali hayotga amaliy tadbiq etilishiga qaratildi.
Prezidentimiz Shavkat Mirziyoyevning 2018 - yil 22 - yanvardagi “2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha Harakatlar strategiyasini “Faol tadbirkorlik, innovatsion g'oyalar va texnologiyalarni qo'llab-quvvatlash yili”da amalga oshirishga oid Davlat dasturi to'g'risida”gi farmoni joriy yildagi islohotlarimiz asosini belgilab berdi. Mazkur farmonda amalga oshirilishi ko'zda tutilgan chora-tadbirlar xalqimizga zo'r quvonch, alohida kuch-quvvat bag'ishlamoqda. Faol tadbirkorlik biznes faoliyatini innovatsion, ya'ni, zamonaviy yondashuvlar, ilg'or texnologiya va boshqaruv usullari asosida tashkil etadigan iqtisodiy yo'nalishdir. Faol tadbirkor, deganda, raqobatbardosh mahsulot ishlab chiqarishga qodir, eng muhimi, yangi ish o'rinlari yaratib, nafaqat o'zini va oilasini boqadigan, balki butun jamiyatga naf keltiradigan ishbilarmon insonlar tushuniladi. Davlatimiz rahbari qayd etganidek, bugun biz davlat va jamiyat hayotining barcha sohalarini tubdan yangilashga qaratilgan innovatsion rivojlanish yo'liga o'tmoqdamiz. Bu bejiz emas, albatta. Chunki zamon shiddat bilan rivojlanib borayotgan hozirgi davrda yangi fikr, yangi g'oyaga, innovatsiyaga tayangan davlat yutadi. “Har bir davlat xizmatchisi har kuni o'zining mehnati bilan egallab turgan lavozimiga loyiqligini isbotlashi shart” degan qoidani ro'yobga chiqarishga alohida e'tiborni qaratishi lozimligi belgilab qo'yildi.
Mustaqillik yillarida O'zbekiston Respublikasida iqtisodiyotni liberallashtirish, boshqaruvning bozor tamoyillari va mexanizmlarini joriy etish, qulay ishbilarmonlik muhitini shakllantirish, kichik biznes va xususiy tadbirkorlikni rivojlantirish yo'lidagi ortiqcha byurokratik to'siq va g'ovlarni bartaraf etish borasida tizimli ishlar amalga oshirilmoqda.
“O'zdavtemiryo'lnazorat” davlat inspeksiyasi tomonidan bugungi kunda turli shakldagi tadbirkorlik sub'ektlariga har tomonlama ko'mak berib kelinmoqda. Jumladan, inspeksiyaning Qashqadaryo filialida joriy yil boshidan “Ochil ota” XF, “Temir yo'l transporti va qurilish birlashmasi” DUK, "Wood dekor production” MChJ, "Progrogress kurilish servis" MChJ, “Qashqadaryo oziq-ovqat mollari” MChJ, "Qashqadaryo viloyat o'quv ta'lim ta'minoti” DUK, “Bunyodkor qurilish” MChJ, "Ekspress temir beton" MChJ, "Dasht xamkor fayz" MChJ kabi o'nlab korxonalarda tadbirkorlik va kichik biznesni qo'llab-quvvatlash borasida yaratilayotgan imtiyoz va imkoniyatlardan samarali foydalanish masalalariga bag'ishlangan profilaktik tadbirlar olib borildi. Tadbirlar davomida tadbirkorlik sub'ektlariga tegishli maslahatlar va kamchiliklarni bartaraf qilinishi borasida amaliy yordamlar berildi. “Faol tadbirkorlik, innovatsion g'oyalar va texnologiyalarni qo'llab-quvvatlash yili”da belgilangan vazifalarni yana bir amaliy ijrosi sifatida, ayni paytda yuzaga kelayotgan muammolarni tub mohiyatini aniqlash maqsadida filial tomonidan Surxondaryo va Qashqadaryo viloyatlarida temir yo'l sohasida faoliyat yurutuvchi xo'jalik sub'ektlari uchun muntazam ravishda “ochiq eshiklar kuni” tashkil etilib kelinmoqda. Shuningdek, filialda (0-375) 227-11-23 “ishonch telefonlari” tashkil etilgan va kelib tushgan har bir murojaat o'rnatilgan tartibda ko'rib chiqilishi ko'zda tutilgan.

O.Qurbanazarov - “O'zdavtemiryo'lnazorat” inspeksiyasi Qashqadaryo filiali boshlig'i
F.Xayriddinov - “O'zdavtemiryo'lnazorat” inspeksiyasi Axborot xizmati boshlig`i
26 Ìàðò 2018
 

Hashar – azaliy an’analarimiz namunasi!


Har yili milliy bayramlarimizdan biri bo‘lmish Navro‘z arafasida respublikamiz bo‘ylab umumxalq xayriya hashari tashkil etilishi va unda yoshu-qari birdek o‘z hissasini qo‘shishi urfga aylangan. Zero, hashar qadriyatlarimiz, milliy an’analarimizning ajralmas qismi sanaladi.
O‘zbekiston Respublikasi Vazirlar Mahkamasining 2018 - yil 10 martdagi farmoyishiga binoan shu yilning mart-aprel oylarida mamlakatimizning barcha hududlarida obodonlashtirish va ko‘kalamzorlashtirish oyligi, 18-19 mart kunlari umumxalq xayriya hashari o‘tkazilishi belgilangan. Unda atrof muhitni obodonlashtirish va ko‘kalamzorlashtirish qatori qariyalar, imkoniyati cheklangan va yordamga muhtoj fuqarolar holidan xabar olinadi, ularga moddiy va ma’naviy ko‘mak beriladi.
Ushbu ezgu tadbirlarga davlat va jamoat tashkilotlari, vazirlik hamda idoralar, korxona va muassasa xodimlari ham o‘zlarining munosib ulushlarini qo‘shishadi. Jumladan, O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi va uning hududiy filiallarida ham umumxalq hashari katta xursandchilik bilan tashkil etildi. Inspeksiyaning barcha xodimlari qatnashgan tadbir chin Navro‘z shukuhida, bahoriy kayfiyatda o‘tdi.
Hashar – eng avvalo ozodalik, tozalik, mehr-muruvvat, oqibat, qariyalarga ehtirom ko‘rsatish kabi millatimizga xos bo‘lgan ezgu amallarni o`zida mujassamlashtirgani bilan qadrlidir, - deydi “O‘zdavtemiryo‘lnazorat” inspeksiyasi xodimi Gulnoza Jalolova. Kunimizning asosiy qismi o‘tadigan xonalarimizni ozoda va saranjom tutish mehnat samaradorligiga ham ijobiy aks etishi aniq. Qolaversa, jamoamiz bilan birgalikda tobora yaqinlashib kelayotgan Navro‘z ayyomiga ham tayyorgarlik ko‘rdik. Barcha joyni bezadik. Endi mazkur ishlarni mahalla va ko‘p qavatli uylarimizda davom ettiramiz.


“O‘zdavtemiryo‘lnazorat” inspeksiyasi
Axborot xizmati
19 Ìàðò 2018
 

Xususiy tadbirkorlik manfaatlari ustuvorligini
ta’minlash yo‘lida



Prezidentimiz Shavkat Mirziyoyevning 2018 - yil 22 - yanvardagi “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid Davlat dasturi to‘g‘risida”gi farmoni joriy yildagi islohotlarimiz asosini belgilab berdi. Mazkur farmonda amalga oshirilishi ko‘zda tutilgan chora-tadbirlar xalqimizga zo‘r quvonch, alohida kuch-quvvat bag‘ishlamoqda. Faol tadbirkor deganda, raqobatbardosh mahsulot ishlab chiqarishga qodir, eng muhimi, yangi ish o‘rinlari yaratib, nafaqat o‘zini va oilasini boqadigan, balki butun jamiyatga naf keltiradigan ishbilarmon insonlar tushuniladi. Davlatimiz rahbari qayd etganidek, bugun biz davlat va jamiyat hayotining barcha sohalarini tubdan yangilashga qaratilgan innovatsion rivojlanish yo‘liga o‘tmoqdamiz. Bu bejiz emas, albatta. Chunki zamon shiddat bilan rivojlanib borayotgan hozirgi davrda yangi fikr, yangi g‘oyaga, innovatsiyaga tayangan davlat yutadi. “Har bir davlat xizmatchisi har kuni o‘zining mehnati bilan egallab turgan lavozimiga loyiqligini isbotlashi shart” degan qoidani ro‘yobga chiqarishga alohida e’tiborni qaratishi lozimligi belgilab qo‘yildi.
Mustaqqillik yillarida O‘zbekiston Respublikasida iqtisodiyotni liberallashtirish, boshqaruvning bozor tamoyillari va mexanizmlarini joriy etish, qulay ishbilarmonlik muhitini shakllantirish, kichik biznes va xususiy tadbirkorlikni rivojlantirish yo‘lidagi ortiqcha byurokratik to‘siq va g‘ovlarni bartaraf etish borasida tizimli ishlar amalga oshirilmoqda.
Jumladan, temir yo‘llarda harakat xavfsizligini nazorat qilishga mas’ul bo‘lgan “O‘zdavtemiryo‘lnazorat” davlat inspeksiyasi tomonidan bugungi kunda tadbirkorlik sub’ektlariga har tomonlama ko‘mak berib kelinmoqda. Birgina joriy yil boshidan buyon “Kort” MChJ, “Toshkent Rizq Baraka” MChJ, “Tarleplast” QK, “Don matlubot” MChJ, “Shakki sadr” MChJ, “Barakat alfa” MChJ, “Agrover” va «Milanodreamtrade» MChJ korxonalarida tadbirkorlik va kichik biznesni qo‘llab-quvvatlash borasida yaratilayotgan imtiyoz va imkoniyatlardan samarali foydalanish masalalariga bag‘ishlangan profilaktik tadbirlar olib borildi. Unda tadbirkorlik sub’ektlariga zaruriy maslahatlar va harakat xavfsizligini ta’minlash borasida amaliy yordamlar berildi.
Bundan tashqari “O‘zdavtemiryo‘lnazorat” inspeksiyasi Toshkent filiali tomonidan Toshkent, Sirdaryo va Jizzax viloyatlarida temir yo‘l sohasida faoliyat yurituvchi xo‘jalik sub’ektlari uchun muntazam ravishda “ochiq eshiklar kuni” tashkil etilib kelinmoqda.
Shuningdek, filialda “ishonch telefoni” (0 -371) 299-94-38 hamda h.h.atahajaev@rwnadzor.uz saytlari tashkil etilgan bo‘lib, ushbu manzillarga kelib tushayotgan har bir murojaat o‘rnatilgan tartibda ko‘rib chiqilmoqda. Barcha harakatlar ishbilarmonlar huquq va manfaatlarini himoya qilish va ularning erkin faoliyat yuritishlari uchun keng imkoniyatlar yaratib berishga qaratilgan.



“O‘zdavtemiryo‘lnazorat” davlat inspeksiyasi
Axborot xizmati boshlig`i
Xayriddinov F.N.

“O‘zdavtemiryo‘lnazorat” davlat inspeksiyasi
Toshkent filiali inspektori
Anvar Dushayev
12 Ìàðò 2018
 

Ehtiyotsizlik umr zavoli!


Hozirda “O‘zbekiston temir yo‘llari” aktsiyadorlik jamiyatiga qarashli 585 ta temir yo‘l kesishmalari mavjud bo‘lib, ulardan 176 tasi qo‘riqlanadigan yo‘l kesishmalaridir. Temir yo‘l kesishmalarida svetoforlar, turli signallar, yo‘l ko‘rsatkichlari va katta tezlik bilan poyezd kelayotgani to‘g‘risidagi ogohlantirish belgilariga haydovchilar so‘zsiz amal qilishlari kerak bo‘gan qonun - qoidalardir. Shuning uchun yo‘l kesishmalaridan o‘tishda avtomobil haydovchilaridan har doim xushyorlik talab etiladi. Lekin avtoulovni boshqarayotgan ayrim haydovchilar hamisha ham qonun – qoidalarga amal qilishmaydi. Noxush holatlar kelib chiqishiga, eng avvalo avtomobil haydovchilari yo‘l harakat xavfsizlik qoidalarini buzishi sabab bo‘lmoqda. Jumladan, o‘tgan 2017 - yil davomida Respublikamizda temir yo‘l kesishmalarida poyezdlar bilan avtomobillar to‘qnashuvlari 40 marta sodir bo‘ldi. Bu to‘qnashuvlar oqibatida fuqarolar turli darajada tan jarohatlari olgani va ba’zi hollarda hayotdan erta ko‘z yumganini keltirish mumkin.
Xavfli sanalgan yo‘l kesishmalarida bunday to‘qnashuvlarning oldini olish maqsadida “O‘zbekiston temir yo‘llari” aktsiyadorlik jamiyatida keng ko`lamli ishlar amalga oshirilmoqda. Masalan, to‘qnashuvlarning oldini olish maqsadida avtomobillar serqatnov bo‘lgan, tezyurar poyezdlar o‘tadigan yo‘l kesishmalarida avtomobil yo‘lini to‘sib qo‘yuvchi yangi avtomatik qurilmalar o‘rnatilgan. Shuningdek, Toshkent–Samarqand uchastkasida joylashgan temir yo‘l kesishmalarida videokuzatuv tizimi o‘rnatildi va kesishmalarda aniqlanayotgan qoida buzarliklar bo‘yicha IIV YXXB tomonidan ma’muriy jazo choralari ko‘rilmoqda.
Yo‘l kesishmalaridagi to‘qnashuvlarning oldini olish maqsadida“O‘zdavtemiryo‘lnazorat” davlat inspeksiyasi, “O‘zbekiston temir yo‘llari” aktsiyadorlik jamiyati, IIV YXXB xodimlari va mutasaddilari muntazam ravishda avtoxo‘jaliklarda, sanoat korxonalarida, xususiy avtomobil egalari orasida hamda temir yo‘l yaqinida yashovchi avtomobili bor aholi o‘rtasida, maktab va mahallalarda, haydovchilar tayyorlash o‘quv maskanlarida bu borada suhbat o‘tkazib kelinmoqda.
Olib borilayotgan profilaktik ishlarga qaramasdan avtoulovni boshqarayotgan ayrim haydovchilar hamisha ham qonun – qoidalarga amal qilishmayotganligini ko‘rish mumkin. To‘qnashuvlar kelib chiqishiga, eng avvalo avtomobil haydovchilari yo‘l harakat xavfsizlik qoidalarini buzishi sabab bo‘lmoqda. Jumladan, joriy yilning 10 - fevral kuni Jizzax viloyatida Paxtakor-Do‘stlik bekatlari oralig‘idagi 3531 kmda joylashgan qo‘riqlanmaydigan temir yo‘l kesishmasida ¹3601 poyezd “Jiguli” rusumli avtotransport bilan to‘qnashgan. Ushbu holatning kelib chiqishi tahlil qilinganida avtotransport haydovchisi poyezd kelayotganini ko‘rgan holda to‘xtamasdan harakatlangani, temir yo‘l kesishmasi belgilari talablariga rioya qilmaganligi aniqlandi.
Agarda har bir avtotransport haydovchilari temir yo‘l kesishmasidan o‘tayotganda qoidalarga rioya qilsa, noxush holatlar yuz bermaydi. Avtotransport haydovchilari o‘z hayoti bilan birgalikda yo‘lovchilarning ham hayotiga ma’sulligini bir zum bo`lsada unutishlari mumkin emas.

F.N. Xayriddinov
“O‘zdavtemiryo‘lnazorat” inspeksiyasi Axborot xizmati boshlig`i
A.A. Dushayev
“O‘zdavtemiryo‘lnazorat” inspeksiyasining Toshkent filiali inspektori
05 Ìàðò 2018
 
1 2 3 >>